تلميحات

Sunday, November 27, 2011

الدليل القصير لنت اليو اس بى الفقير

image
سلامات يا شعب
علمت الجوهريزم من مصادرهاا الخاصة و غير موثوق فيها على فكرة ان فيه ناس كتير بتخش النت عن طريق النت بتاع الفلاشة usb modem و دائما ما تبقى أسعارها أغلى من الadsl العادى ، و لذا من موقعنا هذا نعلنها مدوية و عالية و متمحمورة أننا سنثور عليهم و نقلل استلاكنا لهذا النت توفيرا للنفقات، و ها هى بعض القرارات التى تقلل من عدد الميجابايتات المستهلكة مما يوفر الفلوس المنفوقة:


أولا:
يمكنك استخدام المواقع المصممة للموبايل مثل m.facebook.com  و http://www.google.com.eg/m  و http://m.yahoo.com/

ثانيا:
المواقع التى ليس لها نسخة للعرض للموبايل ، يمكنك أن تحولها لنسخة موبايل عن طريق هذا الموقع  http://www.google.com/gwt/n?u

ثالثا:
يمكنك الغاء تميل الصور فى المواقع التى لا تحتاج لصور فيها
لو فى الفيرفوكس: افتح قائمة tools ثم options
روح للجزء بتاع content ممكن تشيل العلامة من أمام load images automatically و كمان enable javascript
ممكن برده تختار المواقع اللى هتحمل الصور بس
image

رابعا:
بالنسبة لمواقع الفيديو ، قررنا نحن المجلس الأعلى للقوات الجوهرزمية للتقليل من تحميل الفيديوهات عن طريق السياسات الآتية:
1-تقليل جودة الفيديو من خلال الزرار ده:
image
 
2- تحميل نسخة الموبايل من الفيديو نفسه عن طريق الموقع ده m.vuclip.com
و بعدين تدخل عنوان الفيديو فى مربع البحث ، و اضغط search، هيظهرلك الفيديو المراد ، اضغط عليه و اسستنى لما يحمل و نزل نسخة موبايل بجودة افل طبعا.
 
3- ممكن تنول الصوت بس من غير الصورة لو مثلا بتسمع لبرنامج حوارى أو أغنية و ده هوفرلك كتير
هتاخد اللينك بتاع الفيديو و تروح على الموقع ده mp3ify.com و تلزقه و تستنى لم الصوت يحمل و نزله و اسمعه.
 
خامسا:
لمستخدمى الفاير فوكس ، يوجد بعض الاضافات لتوفير الميجابايتات
(المصدر:http://www.makeuseof.com/tag/how-to-save-and-monitor-bandwidth-when-using-firefox/ )
 
1-اضافة noscript
تمنع معظم الأكواد التى تستهلك البيانات
 
2-Flash block
يمنع تحميل الفلاش الموجود فى الاعلانات

و بهذا انتهى البيان و الله الموفق و المستعان