تلميحات

Tuesday, January 10, 2012

اصنع الموسيقى من الكمبيوتر

image زى ما عودناكم … الموضوع ده لسه طازة بس مش قوى فى الأوساط العربية… أزاى تعمل موسيقى من الكمبيوتر … و من غير ولا مليم…مش هتدفع ولا حاجة غير انك يكون عندك نت و مايك و سماعة و هتنطلق إلى عالم المجد…
لازم نعمل مقدمة للموضوع الأول…
بص يا سيدى فى اختراع مش جديد اسمه vst أو virtual studio technology و بالعربى تكنولوجيا الاستوديو التخيلى يعنى عندك استوديو مش حقيقى من خشب و أدوات و كده … مجرد برنامج ممكن تعمل بيه كل حاجة… شوف ده http://en.wikipedia.org/wiki/Virtual_Studio_Technology
الاستوديو التخيلى فيه كلام كتير (الصراحة مفهمتش فيه بعض الحاجت الخاصة بالموسيقيين) بس الى هناخده ان فيه حاجة اسمها DAW أو Digital Audio Workstation منصة الصوتيات (http://en.wikipedia.org/wiki/Digital_Audio_Workstation و http://ar.wikipedia.org/wiki/%D9%85%D8%AD%D8%B7%D8%A9_%D8%B9%D9%85%D9%84_%D8%B5%D9%88%D8%AA%D9%8A%D8%A7%D8%AA_%D8%B1%D9%82%D9%85%D9%8A%D8%A9 )
و هى البرنامج الرئيسى اللى بيتعامل مع الصوت سواء انك تغزف أو تغنى أو تخط مؤثرات و كل ده من خلال الكمبيوتر… ممكن تستخدم اضافات زى بيانو مثلا بيوصل على الكمبيوتر باليو اس بي…
دى كانت مقدمة سريعة (لو عاوز تعرف اكتر انزل آخر المقالة)


نيجى باه للمهم و هو البرنامج … هنقدملك واحد من أرخص البرامج و سهل للمبتدئين … و هو Anvil Studio 2011 و هو مجانى جدا (نزله من هنا http://www.anvilstudio.com/)
دى الصفحة الرئيسية
image

طبعا فى حاجات واضخة أوى زى زرار بلاى و المجراة بتاعة التقديم و التأخير
مليش خبرة أوى فى الموضوع (مش بفهم فى الموسيقى أوى) بس خد دى…. لو فتحت قائمة view  و اخترت composer

image

هيظهرلك صفحة البيانو اللى هى دى:

image

عندك لوحة مفاتيح لبيانو قدامك و تقدر تغير نوع النوتة و هلى نص ..ربع حسب…باقى الرموز موسيقية مليش فيها….ممكن تعزف عن طريق لوحة المفاتيح يعنى دوس على الكيبورىد و انت هتعرف النغمة اللى بتعزفها.
القائمة اللى بعديها view  و بعدين Piano roll editor

image

و دى ممكن ترسم النغمة اللى انت عاوزها

image
و ده الشرح:

image
يعنى

image

و بعدين هنغير صوت الآلة:

image
image

هيظهر لنا 2 tracks ، نقدر نعدل أى واحد بأننا نحتاره من تحت علامة الصح

image

حاجة أخيرةهنا ، لو النغمات اللى على الشمال مشش كفاية ممكن نزود نغمات زى كده:

image

هندوس add sounds  ، تظهر لنا الانغمات اللى عاوزنها.
لو عاوز تزود مثلا rytm  أو ضربة طبلة بتتعاد كل وثت معين ، افتح track  و بعدين create  و اختار rythm

image
و track >>create ممكن تدخل أغنية wav لو انت مسجل حاجة بصوتك
لو مش فاهم دوس بلاى
هسيبك تستكشف البرنامج لوحدك و سمعنا أغانيك على
facebook.com/algoharism
algoharism@gmail.com

المصادر و قراءات أخرى:

5 comments: