تلميحات

Saturday, February 16, 2013

مقال: اندهش

اندهش
سلامات
بعد دراسة متمحصة متعمقة مستركزة  مبنية على الملاحظة و التدقيق توصلت الى نتيجة مشهورة اوى...الا و هى الوجع...الوجع بيمثل جزء كبير جدا من الحياة الطبيعية،يعنى لو بصينا مثلا بنظارة الدكتور اللى فاتح فى حارة شعبية ناسها لابسة زعابيط ،هنلاقى معظم الزعابيط اقصدى العيانيين مبيكشفوش الا لما يكون فيه وجع...اما لو لبسنا النظارة الشمس بتاعة الامين اللممسوك فى قضية تعذيب هنلاقى برديك ان القانون كان بيدلي له الحق انه يوجع اى بونى ادم يشتبه فيه عشان لو طلع مجرم يتوجع فيخاف...اما لو لبسنا نظارة الحاج الوالد فلا تعليق لانها هتكون مسجلة مشاهد حرب دموية من القاء شباشب او اللسع بخراطيم المياه او استخدام الايادى البيضاء....
من الآخر الالم ده حاجة جامدة تنين...حاجة كده متتوصفش...احبيبى يا وجع...سبحان الله...مكنش الواحد يتوجع مكنش قدر يعيش مكنش قدر يعرف المشكلة فينو على راى المثل محدش بيتعلم اول الا لما بيتوجع اوى....نلاقى كمثال من العينة العشوائية من الموجوعين...عيانين السكر سهل جدا يتعوروا او يتحرقوا من غير حتى ما يحسوا او يتوجعوا...متعرفش الدنيا الا لما تتوجع كذا مرة اوى...مبتعرفش قيمة الحاجة اللى فى ايدك الا لما يوجعك عدم وجودها ...محدش يزعل انه موجوع...اتوجعوا تصحوا...ألا تكبرون
تحس كده ان الوجع بيحتوى البونى ادم منينا ...أول درجة من درجات الايمان انك تتوجع...تخاف من النار ...
انت عارف انك جيت الدنيا دى عن طريق وجع و كان الوجع ده هو سبب فى خلقك فى بطن الحاجة
ببساطة انا اتوجع اذا انا موجود