صور:فى عالم موازٍ

بقالى كتير مكتبتش فى الجوهريزم

أنا عامل زى أحمد مكى فى طير انت : " الجوهريزم الانسنان يقول ايه لالجوهريزم المدون؟..... انت فين ارجع بفى"

بس أدينى مش بقطع أوى
شوف دى
ملحوظة : موود كآبة منفصل عن الواقع

الصورة على deviantart

http://algohary.deviantart.com/art/Me-in-a-F-moment-338040736?q=gallery%3Aalgohary&qo=0

صور: إحدى ابداعات الفنان الجوهريزمى من داخل المترو

سلامات

دى إحدى ابداعات الفنان الجوهرزمى من داخل مترو القاهرة الكبرى ...طبعا بغض النظر عن عدم تناسث الأحجام مع بعضها و أن الخطوط مش مستقيمة و فيها شخبطة كتير و أن الوشوش مش مرسومة من الأساس ..... بغض النظر عن الملاحظات دى كلها إلا انها لوحة عظيمة....

لمشاهدة بقية الصور

mydrawings

أنا مش شهيد

أنا مش شهيد و لا ثورى شديد و لا حتى زينى البركات العتيد
ده مجرد مصرى حتى محصلش أبو رحاب الشهير
من كتر المرواح و المجى قرر يكتب كلام خطير
عن اللى شايفه من وراء بربريز فيميه غميق
بين جهادين واحد كبير و التانى صغنطيط
الأول جهاد أكبر لنفس أصعب من شيطان رجيم
كبره بيخلينى عاوز أرجع طفل صغير
أو حتى طائر له جناحات تطيره بعيد
أو يمكن ورقة محدش باله ليها يجيب
بس ما ينفع تغيير الحال ده الانسان كائن فريد
شال هو الأمانة مقدرش عليها سماوات أو أرضين
أمانة خلافة الأرض و يملاها تعمير
الثانى جهاد صغير بالمال و الجهد و النفس ...كده وسعت يا فقيق
بلد حالها غريب بعد ثورة التغيير
مش عارف عايزين يرجعوا ازاى الفريق السفيق
ده على رأى المثل ده راجل قوى و "أنيق"
هو "أنيق" أذا كنت تعرف المعنى اللى فى البير
Nich geh weg , bitte kommen Sie hier
Das ist auf Deutsch , bitte horen Sie mir
مش عايز قلش ده لسه قبل الألش 999
مش عاوز أطول بريد أقول كلمة واحدة فى بالى العبيط
مهم تغيير فى البلد فى الناس فى المكان ...أى تغيير
بس الأهم نقطة الصفر و هى أنت الانسان الدعييف
ابتدى من النقطة دى و لو حتى اماطة الأذى عن الطريق
أو حتى صلح لمبة فى شارعك تنزر الليل الكحيل
أو حتى أى خير تعمله مع الغريب و الصديق
بلاش ده أو ده قرب لربك بدعوتين صغيرين
و ادعي و انت واثق ان حالك هيتحسن و يبقى جميل
البلد دى مش محتاجة دهب و لا فضة و لا حتى فوسفات من أبو الطراطير
محتاجة ناس للخير تحب لنفسها و للغير
غير و كون انت التغيير اللى عاوزه يصير
خليك كمصرى مصر انه يصير مصير مش مرير
واخدى بالك من كمية الصادات فى السطر اللى فوق ده واد فقيق
احنا شعب مش مختارين ده احنا ناقصنا حاجات كتير
شوية علم على تربية و حبة أدب تعمل خليط
كفاية كده بس الكلام ناقصه أفعال اشمعنا الشفيق
قبل نقطة النهاية أوعاك تنتخبه يا شقيق

خبطة كوع بتوجع

 حسيت انى عاوز اكتب حاجة عن اى حاجة ، عاوز انفس شوية ، فى الأول ادعو دعوة لجدتى ان ربنا يرحمها.
كتير بيموت ناس قريبين منك و بيروحو ، الموت بيخليك تفكرفى حاجات جديدة على ذهنك و تراجع نفسك فى حاجات فاتت ، الموت على الرغممن انه حقيقة ثابته مش ممكن تتغير و من   ضمن اهدافه انه يخليك تعيش صح. ...
مش عارف ،
الانسان ده برده غريب، علر الرغم من وضوح فكرة الموت و مهمته ،الا ان الانسان بيستغبى او بيستعبط ،ما لو مكنش بيستعبط كان زمانه فهم و لو كان فهم كان حاله اتظبط. ...بس بيتصلح شوية و ترجع ريما لعادتها القديمة ، ناس كتير بيكون غلط فى حقهم بس برده بيرجع يغلط فى حقهم و حق ناس جداد ، ذنوب كتيرة بيعملها و بيفضل يعملها و يعمل ذنوب جديدة ، بيفضل لايص و تايه فى سراديب الدنيا و يتوه نفسه عن مقصده، حاجات متير بيبقى مقصر فيها. ....موت حد قريب من الانسان بيبقى عامل زى الكوع اللى بيخبطه فى جنبه جامد مة غير ما يعمل له Rupture spleen عشان يصحيه و يفوقه. ...بس المشكلة لما يكون نومه تقيل. ..اوى. ...او حته ميكنش عنده جنب يتلكز فيه اساسا،
الانسان ده روحه محتاجة تتجلى )بكسر الجيم (  و تتمسح كويس من الجلخ اللى عليها ، حاول تستفاد من الكوع ده قبل ما الدنيا تتاخر اوى ، ربنا يستر ، غيروا ما بانفسكم يرحمكم الله ، التغيير  لازم تختاره و لازم تعمله...ايا كان هو ايه.. بس لازم يكون لفوق مش لازم يبقى زاويته 90 درجة بس المهم يكون لفوق...اى زاوية و السلام. ..الموضوع فى اوله صعب عشان الجاذبية هتشدك لتحت. .
.لكن مجرد انك تخرج من الجاذبية هتنطلق و ممكن تخلى زاويتك قايمة 90 درجة و مش هتنزل لتحت تانى. .. المهم انك تخرج و تصبر لغاية ما تخرج.
آخرحاجة هقولها ، ارفع راسك للسما و ادعى و نزل عينيك للارض و سامح اللى حواليك....سامحنى معاهم ابوس ايدك يا اساحبى و من قدم شئ بيداه التقاه و هنيالك يا فاعل الخير و دعوة هنية تكفى ميه.
)اللهم اغفر لها و ارحمها و تجاوز عن سيئاتها و اجعل قبرها روضة من رياض الجنة و ارزقها قصرا فى الجنة(

راديو: فيس بوكى - النسخة الطبية

أداء صوتى  بعنوان : فيس بوكى النسخة الطبية
ذكريات طالب طب ليلة الامتحان

صورة: يا نفيسة!!!!!!

يا نفيسة الناس بتذاكر عشان تعيش مش بتعيش عشان تذاكر يا نفيسة!!!!!!!

الخوف

مش عارف ابتدى من فين بس عاوز اكتب و خلاص

عاوز اكتب عن احساس أنا عارفه و عدى على كتير...أول مرة أستغربه كده أول مرة أشوفه كده

احساس الخوف...

دلوقتى فى الوقت ده خايف انى يطلعلى عفريت... خايف انى أموت ... خايف من الامتحان... ممكن أنام و أصحى كل ده يروح ... أو يستخبى

الفترة دى كانت غريبة عليه ...حسيت فيها الخوف من جوانب كتيرة و فى وقت قليل

قربت قوى من فكرة أن الموت ممكن يجيلك فجأة .. ساعات كلن الواحد بيفكر انه لسه بدرى .. و انه ممكن يلحق نفسه قبل ما يموت ... ساعات بفكر انه دايمه هيبقى فيه لحظات ممكن اتشاهد فيها قبل ما اموت... بس الفترة دى حسيت ان الموت مش بيستنى و لا بيستأذن ...برده مش هقول انى بقيت من أولياء الله...الموت بيجى لحظة و هى اللحظة
كان واحد قالى ان ربنا مش بيحسبك على النتيجة بيحاسبك بس على الخطوات
بس برده بيفضل الخوف هو الخوف... و يا ترى أصلا الخطوات صح؟!!!
يا ترى الواحد ممكن يبقى فيه لو حتى لحظات يلحق نفسه؟!!

عندى خوف من الامتحان .. و ده نوع تانى...الامتحانات بتمثل لى فترة فى حياتى مش قليلة...شكرا لكليتى...دايما الواحد بيخاف من اللى مش عارفه ..خايف من بكره.. خايف من المجهول...سبحان الله .. الانسان ده خواف بشكل..و محدود القدرة...مهما عمل لسه بيخاف من بكره
لسه ميعرفش كل حاجة...لسه فى عامل ميقدرش يتحكم فيه و هو ال
axis x (independet) >>> which is time

خوف بقى من نوع آخر مخلينى عايش فى الجو...و هو عالم العفاريت ...دايما بيظهروا لما النور بيتظفى.. واللى زاد و غطى عمال اقرأ فى قصص عن العفاريت... و قصص زى فيلم غرفة 1407
أول مرة أقرأ عن عربية مسكونة
واحدة تكون صورة للموت أو الموت نفسه
واحد يقترب أن يتعدى حد الموت و يعود

تخيل الواحد لوحصل فيه كده ايه ممكن يكون رد فعله
أول مرة أخاف بجد من فيلم لما شوفت فيلم
paranormal activity
مجرد انك تحس أنه اللى بيحصل ده ممكن يكون حقيقى لو واحد فى الميه
برده عشان عالم العفاريت ده عالم مجهول
عالم متعرفش تدخله لوحدك ... أو حتى تدخله و الدنيا نور

الخوف ده غريب...ساعات بستمتع بيه .. و ساعات بحس انه مش مريح...بس أول مرة افكر فيه .. أركز فيه... أول مره يبقى مركز أوى كده عندى فى فترة قليلة كده
مسيطر على ان استمتع بالخوف ده و فى نفس الوقت قلقان منه

ربنا يستر
شكله تأثير الامتحانات
----------
25-10-2011

أفلام معروفة بنهايات غير معروفة!!!

المره دى بوست ترفيهى....بس برده هفاجأك .... سمعت عن النهاية المفتوحة للأفلام... النهاردة هنتكلم عن الأفلام أللى ليها أكتر من نهاية…. مش نهايات متخيلة ليك…لأ… دى نهايات اتصورت فعلا…و فيه أفلام متصور ليها أكتر من نهاية.
الفكرة من الحركة دى فى بيختلف الهدف منها، ممكن تكون لتوضيح فكرة نظر الفيلم أو نزولا على رغبة الجماهير الشاسعة أو حتى مجرد لزيادة بيع الدى فى ديهات بتاعة الفيلم.
و بدل م نقعد نلت و نعجن ، متيجى نشوف….

راديو:أغنية النهاية

أغنية كده على الماشى...طبعا الصوت و الكلمات للفنان العالمى الموصوهب العظيم كبير كبراء خبير خبراء الجوهرى

يبدع لنا من أهم ابداعاته الفنية بعد تسريب ألبومه الغنائى الأول

و تتبع أغنيته السابقة "الصدمة" المرة دى هنقدم لكم أغنية "النهاية"


remember remember the 17th of november

للأستماع:

فيديو: ج4جوهرى 3: من أهدأ مكان فى العالم

فيديو جديد من الجوهريزم: ج4جوهرى الفيديو الثالث

من أهدا مكان فى العالم

من طالب طب منفوخ

فيديو: ج4جوهرى 2: المجنون و أنا

فيديو جديد من الجوهريزم: ج4جوهرى الفيديو الثانى

المجنون و أنا

من طالب طب منفوخ

فيديو: أغنية الصدمة

لأول مرة فى جميع الأوساط العامية و المعملية...أغنية الصدمة


من طالب طب منفوخ

فيديو: ج4جوهرى 1: بيان طالب طب

ج 4 جوهرى الفيديو الأول: بيان طالب طب

من طالب طب منفوخ

http://www.youtube.com/watch?v=99tbF-qKvo8

فيديو:حكاية ورقة_ أغنية الطب

الآن و بعد طول انتظار...حاليا فى الأسواق..أغنية الطب ( صوت و صورة) ...و إييييييه

صور: انتحار ورقة فى طب

دى خطوات انتحار ورقة فى كلية طب

اغنية:صوت الامتحان بينادى

شوف صورتك كريكاتير : خدمة مجانية من الجوهريزم

خدمة جديدة من الجوهريزم ، حول صورتك لكريكاتير ، وذلك مجانا من مدونة الجوهريزم .
يمكنك ذلك من خلال صفحتنا على الفيس :
facebook.com/algoharism
أو الايميل:
algoharism@gmail.com

يمكنك أن تستقبل صوررك على إيمميلك الخاص ، و متنساش مستنيين رأيكم.

عاوز تشوف صور اللى قابلييك :

انجاز آخر من إنجازاتى العظيمة :D

سلام عليكم
النهاردة بعد عناء طويل أصبح عندى هارد محمول portable hard مكوناته كالآتى:
1-internal Hard disk
2- IDE/SATA to USB converter
3- ATX power supply

و دى صورته:

زى ما انته شايفين الباور سابلى اللى على شمال الصورة و الهار فى الوسط و الوصلة البتاعة السودة على يمين الهارد

طبعا هتسألنى إيه هو الإنجاز ... هقولك يا سيدى إن بعد عناء طويل من محولات الطاقة المحمولة (غالية الثمن رخيصة الوظيفة) و بعد حرق و تبويظ العديد منها .. جاءت الفكرة إنى أشغل الهارد على الباور سابلاى بتاع الكمبيوتر العادى... هتقولى إزاى ؟ ... هقولك.. بعد بحث على النت لاقيت إنك ممكن تشغل الباور سابلاى من غير كمبيوتر عن طريق وص السلك الأخضر (و هوالسلك الأخضر الوحيد) بأى سلك أسود ( و هو سلك الأرضى) فى نفس الوصلة و عيش يا معلم.

مدونة الجوهريزم على اليوتيوب !!!

مدونة الجوهريزم على اليوتيوب !!!

The Goker is coming?!

The Goker is Coming ...
ده عنوان احدى افتكاساتى و الافتكاسة هى الصورة اللى جاية ، حبيت أعمل حاجة لفيلم أنا بحبه و هو dark knight :

 

تم استخدام فى إبدا ع  هذا العمل: